الاثنين، 26 نوفمبر 2018

الإنسان البسيط

-



مافيه أسوأ من إنك ماتقدر تكتب سطر كويس أو مفهوم عالأقل، كانت أصابعي مسويه بلوك شديد للحروف بس رجعنا اليوم مع شاهي بكاسة قزاز وميادة الحناوي p:
أوكي، بسم الله .. ايش بقول لكم اليوم ، أعتقد انه:
مهما كبر مستوانا أو صورتنا أجتماعيا أو علميا أو ببساطة كنا بموضع سلطه، نبدو للأشخاص اللي معانا إننا شوي معقّدين أكثر.
مو معقدين بالشكل السيء لأ بس يحسون إننا على مستوى ثاني من التركيب ، مستوى أصعب شوي ..
ومهما اختلفت تعقيدات هالناس (تحليلياً ونفسياً) اكتشفت شي إنهم كلهم يستجيبون لما يستجيب له الإنسان البسيط، البديهيات \ السجايا..
أدري إني قلت شي مفهوم عالاقل وأتمنى الموضوع يعني make sense بس أقول لكم إنه ببساطة؛
 تعليق بسيط خفيف بدون تفكير زيادة فيه، تعليق حلو و طبيعي بكلمة بسيطة تطير قلب هالشخص المعقد جداً .. جربتها مرتين هالاسبوع وتعابير الوجه كانت رد كافي لي وأكثر!
اللطيف إنهم هم برضو يشوفو نفسهم لازم يكونون معقدين شوي فلما تفاجئهم بالبساطة يتنحون ويسكتون شوي، تحس كذا مستنكرين إنهم يردون عليك رد بسيط برضو ..
فيعني لو كنت أنت بموضع يفرض عليك الرد والتعامل بطريقة معينة حط ببالك إن الأشياء ممكن تكون أسهل مره هنا ومره هناك ..
وبس والله ..

*اشتقت لهذا الشعور اللذيذ


ليست هناك تعليقات:

إرسال تعليق